Mind

හිත

වදන් හිරවී

හිත ආතුර වී

කියන්නට නොම දනී

ජිවිතය හිස් වී

වචන නැති වී

කඩදාසී හිස් වී

වදන් හිරවී

හිත ආතුර වී

දිවි ගමන හති වැටී

අනේ දැන් ඇතී

යැයි දැනී දැනෙද්දී

වදන් හිරවී

හිත ආතුර වී

.....

Flour Terrorism

ඇමතිවරු මොර දෙති

"පාන් පිටි ත්‍රස්තවාදයකි"

පිටිලොරියේ ඉස්සරහම

ලොකුවට ගසා තිබිනි

"අත්‍යාවශ්‍ය සේවා"

අනේ ඉතිං

මට සිතුනි

පාන් පිටි ත්‍රස්තවාදයකි

පාන් පිටි අත්‍යාවශ්‍ය සේවයකි

එම නිසා

ත්‍රස්තවාදය අත්‍යාවශ්‍ය සේවයකි

...

???

:-0?

ON LEAVE

when i take a leave

i mean it

i need it

it can be

a

sick leave

day off

or

night off

what ever it

is

i need it

i want it

&

i waited

for it

i gain it

for me

to me

not for you

neither for them

how dare you

are

to steal it

from me

for them

i hate it

simply don't

like it

just because

ITS MY LEAVE!!

& MY LEAVE

ITS

ONLY MY LEAVE!!

නිවාඩු දවසේ අනිත් අයගේ උප්පැන්න කොපි පරක්කු මොකද කියලා හොයන්න යන එක හෙන වදයක් බොලව්!!!

කඨින පිංකම -2010

කඨින පිංකම 2010

වස් වැසි හිමිනමට

පිදු චීවරය

පැමිණි ඔබ සැමට

ස්තූතිය

Next

ඊළඟ

චැට් රූම්

ෆෝරම්

යාහූ චැට්

ජී මෙල් චැට්

ගෘප් චැට්

ෆේස් බුක්

බ්ලොග්

ට්විට්

-->

වලින් පස්සේ

නෙක්ස්ට්?

ඒක එනකං

මං

???

Emptiness

හිස්

හිස් අවකාශයක

නිහඬ නිම්නයක

පාළු කොදෙව්වක

පිරිපුන්

හිස් බව..

ජිවිතය පුරාවට

විඳගන්න

අනේ අපි

පිංකරලා

නැති

හැටි

..

Money

සල්ලි

හැකි

අය

උපයති

ඇති

අය

නැති

කරති

නැති

අය

හූල්ලති

Dear Janaka

හිතවත් ජනක,

මම

කවි ලියන අතර

නීරෝ

මා පසෙක හිඳ

වීණාව වාදනය කරයි

ඔබ

කවි කියවන අතර

රෝමය

ගිනි ගනියි*

I write poems

while Nero

stroking the Veena

beside me

you read poems

while Rome burning..*

ජනක

මං ඉස්සුවා කවියක්

රුයිත දහය

කවි පොතෙන්

හරියටම

අන්තිම කවිය

උස්සලා

දම්මා මගේ

බ්ලොග් එකේ

එහෙමයි

මං සලකන්නේ

මං ආස කරන දේවල්

වලට

දැන් අහන්නෙපා

ආස හැමදේම

බ්ලොග් එකේද

කියලා..

හපෝ නෑ..

ඒ වුනාට

මං උඹව

දැනගත්තේ

බ්ලොග් හරහා

නෙට් හරහා

ඒකයි

ඉස්සුවේ කවිය

කතෘ භාගයවත් නොදී

දැනගත්තත්

ඉල්ලන් නම් එපා

‍දෙන්න

පිච්චියක් නෑ

අතේ..

පොත් ගන්නම

හිදිලා

හැඹිලිය

...

*ජනක මහබෙල්ලනගේ රුවිත දහය කවිපොතේ පිටු අංක74 අඩංගු කවියකි.

Sick!

ලෙඩ

ලෙඩ වෙන එකත්

මහ වදයක්

බෙහෙත් අහුරක්

‍තිත්තම තිත්ත

නිදාගන්න එකවිතරක්

පරම සැපක්

ඒත් හෙට ආයෙමත්

පුරුදු යුද්දෙට

යන්න වෙන එක

මහ දුකක්

ලෙඩ වෙන එක එකත්

මහම මහ වදයක්

කන්න බෑ බොන්න නෑ

සීතල දෙයක්

වැඩ නෑ කතා නෑ

කිසි කෙනෙක්ගෙන්

නෝකඩුවක් නෑ

‍එයා ලෙඩ වෙලා

කරදර කරන්නෙපා

හරිම කරුණාවක්

ඒත් දැන් දැන් හොදයි

ඇඟට පොඩ්ඩක් පණ ඇවිත්

ආයෙමත්

ටිකෙන් ටික

අරවා මේවට හවුලට

කතා කරනවා කට්ටිය

දැන් දැන් ලෙඩ

හොදයි

ඇඟට ඩිංගක් පණ ඇවිත්

කරන්නට

වැඩ ‍ගොඩයි

හයියෝ

ලෙඩ වෙන එකත්

මහ සැපක්

බං දැන්

සත්තමයි

මහ සැපක්

ලෙඩ වෙන

එකත් දැන්

....

Title?

මාතෘකාව?

මන + උස්

මිනිස්

මන,

සනසවන

මඟ

කොහිද

පහුකරන්

එමඟ

නොමඟ

යනදන

දෑත් දිගුකොට

අර බලව

සංතෘෂ්ඨියේ

මඟ

අතන

අනේ පව් ඉතිං

මන+උස්

මිනිස්

මන

හැමදාම

අතරමඟ

...

..

.

Raining

වැස්ස

චුරු චුරුව

චුරු චුරුව

උදේ ඉදන්

හරියට

කාර් ඇතුලේ

බස් ඇතුලේ

මහ පාරේ

කුඩ අකුලන්

කුඩ ඉහලන්

හනිහනිකට

රතු ඉරට කලින්

හතර වුනු ගමන්

හරි හදිස්සියේ

මාසේ අන්තිම

පඩි පැකට් එක

වෙනුවෙන්

වැස්ස යටින්

දිව්වට

දවසේ ගානේ

වේලෙන් වේලට

හාල් හුණ්ඩුව

කඩෙන් ගන්න

කුලී ඇත්තොන්ට

...

වැස්ස

ඇත්තටම

කොයි වගේද

?

ප.ලි - හිඟන්නගේ පාත්තරේටලු හෙනහුරත් පාත් වෙන්නේ.

Colombo

කොළඹ

ලස්සනට

පාර මැදට

මල් පැළ

වැස්සට

ඒ පාරටම

කුණු වතුර

AbsoluteM

AbsoluteM

මම

මං වෙනුවෙන්

මට විතරක්

මං තනියෙන්

ලියන

මගේ

පිටුව.